larunbata, otsailak 4

HITZORDUAK

Otsailak 4: Ur Apalategik Euskal literatura globalizazioaren garaian hitzaldia egingo du otsailaren 4an (larunbata) 16:30ean Parisko Expolanguesen.

Otsailak 8: Karmele Jaioren Amaren eskuak nobela aztertuko dute otsailaren 8an (asteazkena) 19:00etan Errenteriako Xenpelar Etxean. Gidatzailea: Ane Mayoz.

Otsailak 8: Tere Irastortzak errezitaldia egingo du otsailaren 8an (asteazkena) 19:00etan Irungo Kabigorri Ateneoan. Musika: Aitor Furundarena.

Otsailak 8: Iratxe Esnaolaren Galerna nobela aztertuko dute otsailaren 8an (asteazkena) 19:00etan Basauriko Euskarabilan.

Otsailak 9: Koldo Izagirreren Agirre zaharraren kartzelaldi berriak nobelaz solas egin dute otsailaren 9an (osteguna) 19:00etan Markina-Xemeingo liburutegian.

Otsailak 13: Jasone Osororen Greta nobela izango dute hizpide otsailaren 13an (astelehena) 19:00etan Igorreko kultur etxean.

Otsailak 14: Leire Bilbaok Scanner poema liburuan oinarritutako errezitaldia egingo du otsailaren 14an (asteartea) 19.30ean Donostiako Koldo Mitxelenan. Musika: Domentx Uzin.

Otsailak 15: Jon Benitoren Bulkada poema liburuaz mintzatuko dira otsailaren 15ean (asteazkena) 19:00etan Iurretako liburutegian.

Otsailak 16: Ur Apalategiren Fikzioaren izterrak ipuin liburuaz ariko dira otsailaren 16an (osteguna) 18:30ean Bermeoko liburutegian.

[hitzordu guztiak ikusi]

EMAILUA

Miranderen eta Peillenen Igela duela 50 urte
Parisen, 1953ko otsaileko igande arratsalde batez supazterrean solasean eta zurrutean ari dira Ibinagabeitia (47 urte) eta Mirande (27 urte). Gazteari galde egiten dio amaitzen ari den lehen poema liburuaren inguruan. Erantzuten dio, laster dela argia ikustekoa; baina tamalez ez zen libururik plazaratu. Hementxe dauzkazu orduko poema haiek faksimilean. Bederatzi urte geroago, 1962ko otsailean, orain 50 urte, Saint Germain boulevardeko 15.ean Txomin Peillenek eta Jon Mirandek Igela aldizkaria sortu zuten: "elkar gorrota, elkar higuin dezazuen, doktrina bezala erabiliko dugu Igela, zuek kontrarioa egingo duzuelakoan". Bukinista zuberotar batek lagundu zien roneotipoz, eta bigarren zenbakia ahalik eta lasterren maiatzean ager zedin, Ibinagabeitiak dirua bidali zien Caracastik. 1963ko udazkena bitartean sei zenbaki kaleratu zituzten.

SOLASEAN

HARKAITZ CANO: «Literaturak ez du politikoki zuzena izan behar»
Argia, 2012-01-29

JOXEAN AGIRRE: «Nazka pixka bat ematen didate literatura zaila egiten dakitela erakusteko idazten duten idazleek»
Hitzen uberan, 2012-01-27

AMAIA ITURBIDE: «Sakoneko harremana dut artearekin, nire sorkuntzaren oinarria baita»
Hitzen uberan, 2011-12-29

IDAZLEEZ ARI

Ramon Saizarbitoria

Gai berritzearekin batera teknika berritze handi bat ekarri zuen Saizarbitoriak, Europako literaturan indarrean zebiltzan joera berrien eraginez; teknika berritze hau ez da baliabideen erakuspen hutsa, baizik eta belaunaldi berri baten kezkak bere modu literario egokienean emateko ahalegina.

Martin Ugalde

Ugalderen ipuinen meritua bi aldiz da azpimarratzekoa. Lehenik, berez duten balioagatik; bigarrenez, bera izan zelako lehena ipuina literatur genero moderno gisa lantzen. Ordura arte, ipuina kontakizun erraz, folkloriko eta irrigarria izaten zen beti euskal literaturan.

Jon Mirande

Gaizkiaren poetika bat garatu zuen Mirandek, eta kurtsileria moralaren aurka balio artistikoa ematen saiatu zen garaiko zenbait euskal ez-baliori, hala nola putak edo sorginak, hitzaren jazar-ahalmena berreskuratuz. Gaizkia goratzeko ukazioa erabili zuen, berdin demokraziari edo ohiko sexuari, eta beste euskaltasun bat bilatu zuen mitologia propioa eraikiz, kritikatzen zuen euskaldun hipokritena bezain historia konbentzionala sortuz.