Jauregi, Luis
(izg. Jautarkol)
Euskal idazle gipuzkoarra (Errenteria, 1896 - Zarautz, 1971). Comillasen apaiztu eta bertako Teologia eta Zuzenbide Kanonikoko irakaslea izan zen. Gipuzkoako zenbait herritako erretore eta Zarauzko karmeldarren komentuko kaperaua izan zen (1958-71). Gerraurreko olerki-sariketa asko irabazi zituen. Biozkadak, 1929; Maite opari, 1935; Xenpelar bertsolaria, 1958; Camilo José Celaren Paskual Duarte'ren sendiaren itzulpena, 1967; etab. idatzi zituen. Kutsu lirikoko poesia postromantizista idatzi zuen. Halaber, luma zorrotzez eta dotorez euskal liburuen kritika eta publizitatea egin zuen euskaraz eta gaztelaniaz. Euskaltzain urgazlea izan zen.