Zabala, Frai Joan Mateo
Idazle bizkaitarra (Bilbo, 1777 - Zarautz, 1840). Independentzi gerran Galizian babestu zen; 1815ean itzuli, Zarauzko misiolari ikastetxean finkatu eta bertan bizi izan zen. Ama-hizkuntza, euskara, berrikasi egin behar izan zuen, horretarako Larramendiren eta Astarloaren obrak erabiliz. Bizkaiko herrixketan misiolaritzan zebilela, bertako aldaera lexikalak eta fonetikoak aztertu eta bildu zituen, batez ere aditz-jokoari dagokionean: El verbo regular vascongado del dialecto vizcaíno. Hauekin batera, Noticia de las obras bascongadas que han salido a la luz después de las que cuenta el P. Larramendi eta Fábulas en dialecto vizcaíno ere idatzi zuen.