Bela, Jacques
Politikari eta idazle zuberotarra (Maule, 1568 - ?, 1667). Okzitaniako Tolosan zuzenbide-ikasketak egin eta kalbindarra izan arren Lextarreko Gorteko baile eta erret epailea izan zen (1631). Idazle joria izan zen; zoritxarrez galdu den euskal gramatika eta hiztegi bat idatzi zituen. Frantsesez idatzitako Tablettes lanean teologia, medikuntza, etika eta zientzia alorreko gaiak jorratzeaz gain, Zuberoako foruei buruzko historia luzea idatzi zuen. Zuzenbideari buruzko beste lan batzuk egin eta euskal esaera zaharren sorta ere bildu zuen, oraino argitaragabeak.