Irazusta Munoa, Juan Antonio
Euskal idazle, politikari eta misiolari gipuzkoarra (Tolosa, 1884 - Lima, 1952). Lanbidez abokatua zen eta euskal aldizkaritan parte hartu zuen »Jon Andoni» ezizenaz. Labaien eta Lopez Mendizabalekin batera Antzerti aldizkaria sortu eta zuzendu zuen (1932-35). GBBko kidea zen eta Gorteetako diputatu hautatu zuten (1933 eta 1936). Gerra Zibila zela eta, Paris eta Panamara atzerriratu zen. Liman apaiztu eta Peruko Moyobambako lurraldeetan ibili zen misiolari. Joañixio (1946) eta Bizia garratza da (1950) nobelak eta Losintxa itzulpena argitaratu zituen Buenos Airesen.