Ibargutxi Agirre, Joan Kruz
Euskal idazle bizkaitarra (Ubide, 1883-1969). »Gurutz» eta »Iturrondo» izengoitiak erabili zituen. 1908-15 eta 1938-40 bitarteetan bikario, ondoren bikario ekonomo eta 1950ean Basauriko eskola bateko kaperaua izan zen. Gai erlijiosoak landu zituen: Jaungoikoaren Legeko Aginduak (1925); Edesti Deuna (1936); Geroko Bizitza (1954) eta kristau-dotrinaren iruzkin sakona den Kristiñau-Ikasbide Azalbena, I, II, III, IV eta V, 1953-59. Euskaltzaindiko ohorezko kide egin zuten 1968an.