BERNARDO MARIA GARRO «OTXOLUA» (1891-1960)
BIZITZA
Mundakan (Bizkaian) jaioa. Merkatal karrera Bilbon egin zuen. Gaztetan Argentinan zazpi urte pasa zituen; hango euskaldunekin iharduteak asko lagundu zion euskalkiak ikasten. Bizkaiera oso ondo menderatzen du.
IDAZLANA
—Bertolda eta Bertoldin. Bilbao 1932. Argitaraturiko liburu bakarra.
Aldizkarietan, Euzkadi egunkarian batez ere: Bijar Donianera, J. Barbier-ek lapurteraz egindako ipuiak bizkaieraz; Abere dontsuak, e.a.
ERITZI KRITIKOA
Lanik gehienak itzulpenak ditu, baina itzulpen onak; honetan maisua zen: itzulpen direnik ez zaie antzematen. Bizkaiera herrikoia oso ondo daki: «tanto en el empleo de la conjugación como del vocabulario y de los modismos, giros y construcciones, Otxolua ez un verdadero maestro» [39].
Zoritxarrez, bere garaiko «purismoak» (bai hiztegian eta bai fonetismoetan) argitasun eta bizitasun asko kendu dio haren idazkerari.
Orixek: «Lagun eta irakasle... Euskalerri guztiko idazleen artean txukunenetarikoa».