Haranburu Altuna, Luis

Euskal idazle eta editore gipuzkoarra (Alegia, 1947). Literatur genero asko landu ditu; antzerkia (Hil, 1972; Gernika, 1977; Loyola, 1986; Sabino, 1986; Zumalakarregi, 1986; Lancre, 1994), saiakera (Gizartearen eskola, 1972), nobela (Itsasoak ez du esperantzarik, 1973; Caritate, 1979), narrazioa (Zera, 1975; Desgizona, 1978) eta bestelako lanak idatzi ditu. Lur argitaletxea desegin zenean, berau osatzen zuten zenbait lagunen iniziatibaz Kriselu bilduma bereganatu eta argitaratzaile bihurtu zen (1975).