Ziarsoro, Manuel
(izg. Abeletxe)

Euskal idazle eta antzerkigile bizkaitarra (Bilbo, 1902-87). Eguna egunkariko zuzendaria izan zen (1937). Euskal aldizkari gehienetako lankide izateaz gainera, Zeruko Argia aldizkariko »Gazi-gezak» umore sailaren arduraduna izan zen. Barrutiaren Gabonetako Ikuskizuna antzerkiaren moldaketa den Eguberri-aizeak obrarekin Julio Urkijo saria irabazi zuen (1956). Bertsolari sariketa (1959); Gogozar berbizkunde goizian (1959); Jai arratsalde batean; Agur Donibane eta beste antzerki batzuk ere idatzi zituen. Euskaltzain urgazlea izan zen.