Xenpelar
(j.i. Joan Frantzisko Petrirena)

Bertsolari gipuzkoarra (Errenteria, 1835-69). Oso gaztetatik bertso-kantari hasia, lantegi bateko arduraduna zen eta zenbait langileri aginduak bertsotan eman izan zizkien. Melodia herrikoiei egokitzeko moduko bertsoak egiten zituen, kantatuak, betiere. Gazterik hil zen arren obra ugaria utzi zuen, eta heldutasun handikoa: Pasaiako zezenarenak; Andre txarraren bentajak; Betroi bat hartu nuen, etab. bertsolaritzaren klasikoak dira.