Oñatibia, Jon

Euskal idazle gipuzkoarra (Oiartzun, 1911-79). Lanbidez abokatua izan zen. Gaztetatik txistulari eta dantzari trebea zela erakutsi zuen. Musika-konposizioak egiteaz gain, hitzaldi ugari eman zituen musika, euskara, dantza eta txistuari buruz. Euskal aldizkarietako kolaboratzaile izan zen; Argia aldizkaria argitaratu eta zuzendu zuen Caracas eta New York-en (1946-48). Haur-ipuinak euskaratu eta argitaratu zituen. Euskara irrati bidez ikasteko metodo bat idatzi zuen (Euskara Irratibidez, 1965). Euskaltzain urgazlea izan zen.