Garmendia Kortadi, Joan
(izg. Zeleta)

Euskal idazle gipuzkoarra (Lasarte, 1898 - Logroño, 1989). Gerra aurretik antzerti-lanak plazaratu zituen: Itxutasun madarikatua, 1921; Joxantonen eriotza, 1922; Patxi Kirten, 1925. Euskara eta euskal literaturari buruzko artikulu ugari, Euskararen iraupena eta Euskal literaturaren aurrerapena saiakera-lana (1955) eta Lasarte-Aurtzaroko oroipenak (1958) monografia idatzi zituen. Donostian diktadura-garaian euskaltzaleen biltokia izango zen »Begoña» liburu-denda zabaldu zuen (1944). Euskaltzain urgazlea izan zen 1965az geroztik.