Ulibarri Galindez, Jose Pablo

Politikari eta euskal idazle arabarra (Okondo, 1775 - Abando, 1847). Frantsesen kontra borrokatu zen Gipuzkoan (1814). Gernikako batzarretan Abandoko ordezkari eta erregidorea (1829-36) izan zen; eskoletan euskara irakats zedin laguntza ofiziala lortu zuen (1836). Gabon-kantak argitaratu zituen; 1815ean Egunari eusquerazcoa erderazkotik itzuliya, Vizcai, Guipuzcoa ta Arabaco Provintziarentzat, 1815garren urteraco egin zuen, eta ondoren, berak bidali eta hartutako gutunen bilduma: Gutun Liburua.