Biguria, Paskual Bernardino
(e.i. Frantzisko Elizondokoa)

Euskal idazle nafarra (Elizondo, 1871 - Donostia, 1932). Iruñeko apaizgaitegian apaiz-ikasketak egin eta kaputxino sartu zen (1901). Euskaraz hitz egin eta idazteko zuen erraztasun handiagatik zen ospetsua. Ipuinak, kontakizunak eta istorio laburrak, atseginak eta ulerterrazak idatzi zituen haurrentzat (Lore usaidun mamitzuak, 1922 eta Loretegui berria, 1932). Euskal herri-kanten eta melodien bilduma den Eliz kantak ere idatzi zuen (1926).