Hegiapal, Marzelin

Euskal idazle eta kultur eragile zuberotarra (Sohüta, 1910-96). Pastoralgile-familia batean jaio zen. Napoleon I.a (1927) pastoralean debutatu zuen jokalari gisa; Aymunen lau semiak (1984) pastoralean, berriz, antolatzaile eta errejenta izan zen. Hamabi pastoral egin edota moldatu zituen eta errejenta ere izan zen beste hamar bat pastoraletan. Molde zaharreko pastoralak egin zituen; historia handi baten inguruan osatzearen alde eta emakumeak eta gizonezkoak nahastearen aurka agertu zen beti. Eskualdunak Ibañetan obra idatzi zuen. Euskaltzain urgazlea zen.